tg-me.com/kristall_uz/64
Last Update:
Тоза сув - миллат саломатлиги гарови
Истеъмол қилинадиган сувнинг сифати кўп томонлама миллатнинг соғлигини белгилайди. Фақатгина табиий тоза сув фойдали бўлиши мумкин. Инсон организмининг 80%ни сув ташкил этиши ҳамда танадаги сув етишмовчилигини олдини олиш учун сувни етарли миқдорда истеъмол қилиш кераклиги ҳаммага маълум.
«Вестник здоровья» электрон журналининг маълумотига кўра, инсон сув истеъмол қилганда нафақат ичадиган суюқлик миқдорига, балки унинг сифатига ҳам эътибор бериши зарур. Фақатгина табиий тоза сув танамиздаги метаболик жараёнларни етарли даражада қўллаб-қувватлайди ва соғлиққа ижобий таъсир кўрсатади.
Табиий сув энг яхши хусусиятларга эга бўлиб, у сувни тозалаш жараёни - фильтрлаш жараёнидан ўтиши зарур. Юқори сифатли ичимлик суви метаболик жараёнларнинг нормал кечишида иштирок этади, ҳамда терморегуляция ва минералларнинг организмга сингишига ёрдам беради. Бу, айниқса, синовиал суюқлик билан боғлиқ бўғим касалликларига мойиллиги мавжуд инсон учун муҳимдир.
Сув таркиби ва тузилишининг ёмон томонга ўзгариши бўғимлардаги суюқлик сифатига салбий таъсир кўрсатади, бу эса, ўз навбатида, тўқималарининг кимёвий таркибини ўзгартиради ва бўғимларнинг тезроқ шикастланишига олиб келади. Тўқималарни озуқа билан таъминлаш ва парчаланган маҳсулотларини чиқариш учун масъул бўлган қон ва лимфанинг суюқлигини керакли даражада сақлаш учун етарли миқдорда сув ичиш мақсадга мувофиқ бўлади.
Истеъмол қилинаётган сувнинг ҳарорати ҳам муҳим аҳамиятга эга. Ревматизм, подагра, асаб тизими касалликлари билан оғриган беморлар жуда совуқ сув ичмасликлари керак. Совуқ суюқлик овқатдан сўнг дарҳол истеъмол қилинса, овқат ҳазм қилишни қийинлаширади.
Мутахассисларнинг таъкидлашича, қайнатилган сув оддий сувга қараганда фойдаси камроқ, аммо сувнинг сифати муҳимроқ. Қайнатилган илиқ сув нафас қисилиши, ҳиқичоқ ва қорин дам бўлишида фойдалидир.
Сувдан фойдаланишда кундалик меъёрга эътибор бериш зарур. Маълум бир киши учун аниқ кунлик меъёр белгиланмаган - барчаси организм терморегуляциясининг индивидуал хусусиятларига боғлиқ. Ўртача кунлик истеъмол қилинадиган сувнинг миқдори 1,2 дан 2,5 литргача бўлиши мумкин, аммо бошқа муҳим кўрсаткичларни ҳам ҳисобга олиш керак.
Манба: «Наша Версия» Бутунроссия мустақил журналистик тадқиқот газетаси
Бизни кузатишда давом этинг.
BY Kristall.uz | Расмий канал
Share with your friend now:
tg-me.com/kristall_uz/64